دورة تعليم صناعة الاكسسوارات (1)

سلام عليكم ورحمه الله وبركاته


النهارده هابتدي معاكم ان شاء الله أول درس في تعليم طريقة عمل الاكسسوارات خطوة خطوة حتى الاحتراف بإذن الله

أولا نتعرف على الأدوات اللازمه لعمل الاكسسوارات


1- الخيط الشفاف



[size=24]2- بنسة (زرادية )


3- قصافة


4- بنسة ببوز ملفوف (رأس مدور)



5- زرادية عادية صغيرة



دي كل الادوات اللي ممكن نحتاجها عشان نعمل عقد او انسيال او حلق او اي اكسسوار في الدنيا
وبالنسبة للادوات دي احنا ممكن نلاقيها في العتبة في الموسكي واسعارها من 6- 8 جنية مش اكتر من كده والخيط الشفاف سعر البكره 4 جنية
بالنسبة للخرز طبعا الاشكال والالوان منه كتيييير جدا وده بيرجع طبعا لذوقنا الخاص وبرضو في نفس المكان هانلاقي كل الناس اللي بتبيع الخرز ده او الاحجار وبالنسبة للسعر هو بالكيلو واقل حاجه ثمن كيلو وغالبا بيتراوح سعر الكيلو ما بين 50 - 80 جنية وطبعا التمن كيلو ده بيعمل كتير لانه مش بيستخدم صافي بيدخل معاه اشكال تانية وممكن نشتري الخمسين جرام بخمسة جنية ده افضل للناس المبتدئة عشان تجرب وكده وفي نفس الوقت متصرفش كتير لحد ما تتعود وايديها تاخد على الشغل

بعد ما نحترف الشغل شوية ونحب نبتدي مشروع هانحتاج ميزان جرامات وده شكل الميزان اللي عندي


ده الميزان لانه زي ما بنشتري الحاجات بالجرامات لما نيجي نحسب التكلفه اكيد هانحتاج نوزن العقد وطبعا ممكن نستخدم اي ميزان حتى لو بتاع مطبخ ولكن ده ادق لان فيه حاجات ممكن تكون صغيرة متتشافش في موازين المطبخ والميزان سعره 120 جنية وتلاقوة عند اي حد بيبيع موازين او في خان الخليلي

طبعا عشان نعمل عقد او حاجه بسيطة مبدئيا فاسهل طريقة للمبتدئين هيا الشغل بالخيط الشفاف لان نتيجته حلوة وسهل جدا وهو مجرد اننا بنجيب الخرز اللي على ذوقنا صغير كبير احجار اي حاجه ونلضمهم في بعض وفي الاخر نربطهم بطريقة عاديه جداااااا وفيه من الخيط الشفاف ده مطاط زي الاستك ده عشان الغوايش ودي شكل غويشة سهله وبسيطه وشكلها شيك في نفس الوقت





وده شكل تاني لعقد في منتهى الجمال بنفس الطريقة مجرد خيط شفاف



وطبعا الاشكال والافكار لا تنتهي

ده كان النوع الاول السهل من الاكسسوارات النوع الثاني وهو الشغل بالمسمار والزرد طبعا فيه ناس كتير بتسأل دايما على شكل المسمار والزرد ده عشان كده جبتلكم صورها

ده المسمار بيكون فيه حلقه من ناحية والناحية التانية احنا اللي بنقوم بتنيها بعد ما ندخل فيها الخرزة بتاعتنا وفيه منه طويل وفيه منه قصير طبعا يفضل المسمار الطويل عشان ياخد اي حجم للخرز او الاحجار وفيه منه كل الالوان فضي دهبي اوكسيديه (نحاسي) وفيه مسمار بيكون مفيهوش حلقه بيكون بدل الحلقة دي رأس صغيرة زي راس الدبوس بالظبط وده عشان الحاجات اللي بتكون في الاخر ميكونش شكلها وحش لو بانت الحلقة وهانشوف كل ده في الدروس الجاية ان شاء الله



وده شكل الزرد وهو عباره عن حلقات بنستخدمها في الحلقان وفي تشبيك الاعقاد مع بعضها وبرضو فيه منها احجام وده اصغر حجم انا شخصيا بستعمله دايما لانه شكله شيك وبرضو فيه منه كل الالوان دهبي وفضي ونحاسي



ودي كانت كل الادوات اللي ممكن نحتاجها في بدايه مشروع اكسسوارات مش هاتحتاجو اكتر من كده ابدا وربنا يوفق الجميع يارب واتمنى يكون الشرح واضح والصور واضحة وان شاء الله في الدروس الجاية هانتعلم الشغل بالمسمار والزرد واستخدام الادوات وهانتعلم دلايات الموبايل وعليقات الشنط والحلقان وكل شئ ان شاء الله وهحاول انزلكم كمان فيديوهات لشرح اكثر وضوح واي سؤال في درس النهارده انا تحت امركم لا تترددو في السؤال

وده الجروب بتاعي على الفيس بوك لو حابين تتفرجو على شغلي وتقولولي رأيكم وتسألوني عن اي حاجه

https://www.facebook.com/group.php?gid=6245089382[/size]

سلام عليكم ورحمه الله وبركاته

------------------------
ربي إني لما أنزلت إلي من خير فقير

وعليكم السلام ورحمه الله وبركاته اختي أمة الله واخي احمد جزاكم الله خير واشكركم على الدعاء وبجد انا في منتهى السعاده ان الموضوع نال اعجابكم وكان سهل وبسيط وبصراحه مكنتش هاكمل لو ملاقيتش حد مهتم او الموضوع مش حلو انما كده كلي حماس اني اكمل كل شئ بالتفصيل الممل بإذن الله

جزاك الله خيرا عنا بجد استفدت كتير و مستنيه الباقى

إن شاء الله يا استاذ احمد هاكمل معاكم في كل حاجه اعرفها عن الاكسسوارات واي حاجه تانية ان شاء الله

ياسمين كتب:جزاك الله خيرا عنا بجد استفدت كتير و مستنيه الباقى

ربنا يخليكي حبيبتي اشكرك على الدعاء وان شاء الله هانكمل مع بعض

FatmaAlzhra كتب:

اختى الحبيبة ايمان ممكن سؤال
ده جروبك على الفيس بوك
https://www.facebook.com/group.php?gid=6245089382[/size]
ممكن اعرف ازاى التحق به لانى جديدة فى الفيس بوك ولا اعرف استخدمه
واود الاشتراك فى جروبك

تحت امرك حبيبتي بس الاول انتي مشتركة في الفيس بوك اساسا ولا لاء لو مشتركة وحابه تشتركي في جروبي هاتضغطي على اللينك ده
https://www.facebook.com/group.php?gid=6245089382

وبعدها هاتلاقي على اليمين تحت الصورة مكتوب join group بتضغطي عليها وبكده بتكوني اشتركتي في الجروب وتقدري تشوفي الصور كلها

ولو مش مشتركة في الفيس بوك أصلا قوليلي وانا اقولك تشتركي ازاي

نرمين كتب:

السلام عليكم

بارك الله فيكى حبيبتى ربنا يعزك
بجد اسعدتينى ربنا يكرمك يا ايمان ويجعله فى ميزان حسناتك
ويارب تفضلى معانا على طول

حبيبتي نرمين جزاكي الله خير على الدعاء ياحبيبتي يارب انا والله فرحانه جدا ان الدورة عجبتكم وان شاء الله معاكم على طوووول

بجد شرحك روعة بصي يحبيبتي انا عندي كل الادوات دي ماعدا الميزان وانا فهمت من شرحك جدا لاني لسة مبتدأة جدا جدا ومنتظرة المزيد منك

hindawy1973 كتب:بجد شرحك روعة بصي يحبيبتي انا عندي كل الادوات دي ماعدا الميزان وانا فهمت من شرحك جدا لاني لسة مبتدأة جدا جدا ومنتظرة المزيد منك

ربنا يخليكي ياحبيبتي ومش مهم الميزان ممكن تستعملي ميزان المطبخ العادي بس مش هايبقى دقيق اوي بس هايأدي الغرض وهاكمل معاكم باذن الله وياريت لو عملتي حاجه وريهاني عشان الكل يتحمس ويشوف الانتاج وتحت امرك في اي سؤال يا قمرايه

شكرااااااااااااااااااااااااااااااااااا

أنا عضوة جديدة وأتمنى انو اشترك معاكم في الدورة ووتتقبلوني بينكم
وشكرن

السلام عليكم ورحمة الله وبركاته اشكرك جدا على الموضوع الجميل والرائع وانا استفدت منه جداااااااااااا وانتظر منك المزيد عن هذاالموضوع لانه مفيد جدا ربنا يخليكى ويبارك فيكى

بشرى سارة لكل مصنعى الشمع لدينا جميع الالوان

الألوان الصبغة :
وهى ألوان بودرة مستوردة ذات تركيز عالى جدا
أزرق _ أخضر _ أحمر _ بنى _ برتقالى _ أصفر _ أسمر
الألوان الفسفورية :
هى ألوان بودرة ولكن تكون أكثر جمالا وألوان جذابة
أصفر _ أخضر فاتح _ فوشية _ مشمشى _ بصلى _ موف

جميع الألوان ذات جودة عالية لأنها ألوان متخصصة للشمع ذات شفافية
يوجد لدينا مواد خام :
شمع برافين العامرية نقى
يوجد لدينا شمع الأصفر أو مايطلق عليه ( المصلب)
يوجد لدينا مادة الأستيرك المستخدمة فى شمع الزينة
يوجد لدينا خيوط قطنية مخصصة للشمع

للأتصال بنا
شركة سيتى لايت لمستلزمات الشمع
0129786510
0197077191

أنا عضوه جديده وهبقا مبسوطه خالص لو اشتركت معاكوا

السلام عليكم
اختي شكرا على هدا الموضوع الشيق من فترة وانا ابحث عن منتدى لتعلم صنع الاكسسوارات والحمد لله توفقت لايجاده المزيد من النجاح لك ولاتبخلي علينا بالمزيد شكرا

ارجو تقبل المشاركة معكم حيث اننى اعمل فى مجال السياحة واشعر بالحرج الشديد عندما يسئلنى السياح بتهكم دة مصنوع فى الصين واشعر بحزن شديد واتمنى ان نقوم بصناعة كل شىء ارجو التواصل لشراء منتجات الزجاج والاكسسوارات الحريمى وكل ما له صلة بتاريخ بلدنا وليس من الضرورة ان تكون اشياء مخالفة لعاليم ديننا ارجو فادتى رقم تليفونى هو 0106405743

بارك الله فيك وجعله فى ميزان حسناتك

انا تعبت جدا لد ما لقيت رد لاسئلتى عن هذه المشروع

اتمنى منك المتابعه فى الشرح
شكرا لكى

الله يعطيك العافيه ويجزيك خير انا مو مشتركه في الفيس ممكن تساعديني