جديده في هذا المجال ارجو مساعدتي جزاكم الله الخير

من طرف تسنيم الأحد مايو 27, 2012 8:50 am

السلام عليكم
انا دخلت في مجال صناعة الشموع جديد وعندي استفسارات جزاكم الله كل الخير...........

1. وجدت حامض الستريك عند محلات المعدات الطبيه هل هو نفسه اللي بيتحط على الشموع؟
2. اشتريت الوان بودره من عند العطار وقلي انها الوان طعام وعندما وضعتها ترسبت بقاع الحله ما السبب؟
3.(سمعت اننا بنحط الشموع المنصهره +تلميع السطح)ما هي مواد تلميع الاسطح؟
4.سالت عن الفتيل وقالولي انها خيوط الملاحف او خيوط قطنيه استعمل ايه؟؟؟؟؟؟

من طرف ميدو016 الأحد مايو 27, 2012 12:52 pm

السلام عليكم
انا هحاول افيد حضرتك بخبرتى الصغيرة فى المجال دة
انا بالنسبالى
1- حمض الستريك دة مش موجود حاليا فى السوق زى الاول لانة ماعدتش بيصنع فى مصر لان المصنع قفل
ولو موجود سعرة غالى اوى بس فى بديل دلوقتى حاجة بودر كدة شبة الرز موجودة عند مصانع الشموع معرفش اسمها بصراحة دى انا جربتها وهى احسن من الحمض
والمصلب بيرجع الى نوع الشمع هل هو برافين او مجرى لان المجرى ممكن ماتحطلهوش مصلب
2 - الالوان دى انا جربتها ورسبت برضوا اما الالوان الحقيقية الى بنستخدمها هى الوان مخصوصة للشمع بتجاب من محلات بتوع الشمع ومن خبرتى عرفت انها الوان صبغة بيستخدموها فى الصبغات يعنى حضرتك لو مالقيتيش حد متخصص فى الشمع تقدرى تجيبى الوان الصبغة
3 - مفيش مواد تلميع للسطح ممكن تقصدى زيت البرافين وهو زيت بيدهن بية سطح الحاجة الى هتصبى فيها
سواء اسطمبة او اى حاجة و انا عن نفسى بستخدمة وبعد ما بخرج الحاجة وتنشف بجيب سكينة سخنة وبلمع بيها الشمعة علشان لونها يظهر
4 - الفتيل بيتجاب من اى محلات خيوط او خرداوات وهو خيوط قطنية بس تجيبى حجم مناسب للشغل والملاحف ممكن تجيبية عادى بس مش هيديكى اضائة عالية لانة بلستر فالقطن احسن

اتمنى انى اكون فيدت حضرتك

ودى صفحت الشمع بتاعى
https://www.facebook.com/PalaceCandles

palace candles

ودة اميل الصفحة
Palacecandles@yahoo.com

لو محتاجة اى حاجة انا تحت امرك

من طرف تسنيم الأحد مايو 27, 2012 2:28 pm

شكرا ليك اخي على المساعده وجعله الله في ميزان حسناتك
ولكن عندي استفسار انا موجوده بالاردن ووجدت حمض الستريك عند محلات المعدات الطبيه استعمله ولا ايه
وكمان انا هستعمل البارافين احط مصلب؟؟؟؟
اما بالنسبه للقوالب فانا دخت السبع دوخات مش لاقيه خالص افصلهم فين

بالمناسبه عندكم سعر البارافين قد ايه هنا ب 2 دينار بجد سفاحين بس نعمل ايه
وشكرا ليك على رحابة صدرك

من طرف ميدو016 الأحد مايو 27, 2012 2:55 pm

ولا يهمك
حمض الكبريت الى بيستخدم دة عبارة عن لوح زى العجين مش بيبقى ناشف اوى طرى نسبيا ولونة بنى
اعتقد ان الى تقصدية دى حمض معملى سائل لان انا فى هندسة كيميائية واعرفة
الى احنا عاوزينة لوح لونة بنى زى العجين

المصلب بيتحط علشان الشمع مايحترقش بسرعة وتخلص بسرعة
انا عن نفسى بستخدم الاتنين البرافين بتحطى نقطتين على ايديكى وتدعكى بية الاسطمبة او الحاجة الى هتصبى فيها مجرد دعك اللتر ممكن يقعد معاكى سنة لانك مش هتحطى كميات كثير نقطة فقط وومكن تحطي نقطة مع الشمع نفسة وهو بيسيح او مع اللون ليسهل خلط اللون بس انا مابعملش كدة لان مش بحس بفرق كبير والشمعة ساعتها بتشرب كل الزيت

فانصحك بوضع نقطة فقط وتدعكى بايدكى الاسطمبة

القوالب بتصنع من السيلكون بس بتبقى اسعارها غالية اقل اسطمبة ب 50 جنية مصرى
انا عن نفسى مش بستخدم قوالب
انا بستخدم بعض ادوات المطبخ والجلى والعجين ارخص وافضل ولو عاوزة شكل اسطوانى ممكن تجيبى اى زجاجة اسبيراى فاضية بس تكون رفيعة وتقطعيها وتصبى فيها
الهدف انك تطلعى افضل انتاج باسعار رخيصة

وزيت البرافين هو غالى انا بجيب اللتر ب 20 جنية معرفش بصراحة الدينار بكام
بس هو موجود عند محلات تركيب العطور وبعض العطارين
فتقللى الكميات علشان يفضل معاكى
وانا تحت امرك فى اى حاجة

من طرف تسنيم الإثنين مايو 28, 2012 4:10 am

شكرا ليك اخي الفاضل وانا شفت الشغل بتاعك بسم الله ماشاء الله حاجه جامده وححاول اعمل زيها وبالتوفيق

من طرف ميدو016 الإثنين مايو 28, 2012 6:47 am

ميرسى دة من زوقك
واى حاجة انا فى خدمتك
وان شاء الله نشوف شغلك قريب

من طرف وليد ناجى الأحد سبتمبر 16, 2012 1:58 pm

السلام عليكم انا وليد من القاهرة و عندى ورشة متخصصة فى صناعة اسطمبات الشمع بجميع انواعها سبوع ارقام انارة تلاتات ستات ابريق قلة اسعارنا تبدا من 100 جنيه للتواصل ت 01282445381 / 01271762380

من طرف وليد ناجى الثلاثاء أكتوبر 09, 2012 12:55 pm

السلام عليكم مصنع مريم للشموع و تصنيع الاسطمبات لدينا جميع انواع الاسطمبات سبوع60 شمعة 70 و 75 جرام موديل جديد وانارة 40 شمعة 80 و 90 و 100 جرام و قلة وابريق وتلاتات و ستات و لدينا اسطمبة ارقام موديل جديد جدا . ملحوظه كل من يريد العمل فى هذا المشروع قلق من التوزيع و نحن نقول لكم نشترى كل الانتاج بسعر السوق حتى لو لم تشترى مننا اى شئ لاننا نستفيد من شراء انتاجك و نتمنى للجميع النجاح فى هذا المجال للتواصل 01282445381 / 01271762380

من طرف وليد ناجى الإثنين أكتوبر 15, 2012 11:38 am

السلام عليكم مصنع مريم للشموع و بيع جميع انواع الاسطمبات و مستلزمات الشموع يوجد لدينا جميع انواع الاسطمبات انارة 30 و 32 و 40 شمعة 80و 90 و100 جرام و سبوع 40 و 60 شمعة 75 و 85 جرام وارقام و قلة و ابريق و تلاتات و ستات و جميع مستلزمات الشمع مثل الخامة و الخيوط و الالوان والمصلب و خامات التغليف و دورة تدريبية مجانية من الالف الى الياء فى ساعتين فقط لدينا ايضا مفاجئة اسطمبة انارة 220 شمعة واسطمبة سبوع 330 شمعة واسعارنا اقل من المعقولة للتواصل 01282445381/01271762380

جديده في هذا المجال ارجو مساعدتي جزاكم الله الخير

جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير

رد: جديده في هذا المجال ارجو مساعدتي جزاكم الله الخير