أريد معاونتكم

شكراً جزيلا أستاذ أحمد حقيقي حضرتك و انا اضفت حضرتك علي فكرة علي الاتنين ياهو بتوعي ناناعبد الخالق و و واحد تاني اسمه حطةيابطة
حضرتك حسستني بكل الامل لما قلت 100 جنيه بس طبعا ال 100 جنيه دي هتعتبر مجرد تعليم يعني مبلغ مقابل الحاجات اللي هاتعلم فيها الاول
بس انا طموحي كبير اوي و مش عارفة حضرتك ليه بتقول انكوا لسة صغيرين انا شايفة انكوا و الحمد لله بتكبروا ولو احدي الفتيات زي البنت بتاعت اسكندرية اللي انا شفت شغلها لو اشتركت في المعارض بتاعت السنة كلها لمدة سنة واحدة بس اعتقد انه بإذن الله السنة اللي وراها ممكن يجيلها عروض للتصدير ... إنشاء الله صح و الا انا ببالغ في تفاؤلي
اصل كلام حضرتك تمام التمام فعلا كل الشموع اللي في السوق صناعة الصين و علي فكرة ملحوظة صغيرة:- هية ممكن تكون مكتوب عليها كده لكن في الاصل هي صناعة مصرية اتصدرت و راحت الصين و بقت تتباع علي انها صيني اصلي للاسف من كتر ما اشتغلت في شركات لقيت ان ممكن يكون فيه منتجين كبار و عشان لسة مش عايزين يطلعوا شغلهم للنور و بيجيلهم عقود تصدير بيوافقوا علي انها تباع بالخارج بالماركة بتاعت الشركة الاجنبية و طبعا فهمت انه ممكن الشركة الاجنبية دي تصدرها كمان لينا تاني علي انها بتاعتها ؟؟؟؟!!!!!!!!!! طبعا ماهو احنا اللي سمحنا بكدة الحاجة تبقي بتاعتنا و تجيلنا تاني علي انها مستوردة !!! ما علينا المهم اني عايزة اوصل لحضرتك انكواا اكيد مش صغيرين و لا حاجة و ان كنتوا شايفين كده فأنا شايفة انكوا كبار اوي و بإذن الله في خلال سنة واحدة ممكن تحققوا كتير لان علي حسب اسعار الشمع المذكورة من احد الاعضاء ان الليب تكلفته جنيه بيباع ب 10 يبقي ممكن احنا اللي بعشرة ده مدام تكلفته جنيه نقدر نبيعه ب 5 بس و نبقي كسبانين فيه كتير اوي كمان و الحمد لله و ربنا يرزقنا و يزيدنا ...
صح و الا ايه
انا بس عايزة دلوقتي ابتدي اتعلم و اجرب انشاء الله في شوية شمع ولو صغيرين اخد اول خطوة بس الي ان ارتب اموري و اتمرن كويس علي الانتاج و عشان كده هابتدي بالاصعب الاول و هو الوردات الصغننة و الاشكال الصغيرة عشان هي اللي بتحتاج وقت و دقة اكتر و عشان امشي ايدي فيها و بعدها الحاجات الكبيرة بقي بتبقي اسهل و كمان عشان ماتحملش ال 100 جنيه كلها في التجربة و بعدها ابتدي بقي في الكبير لانه فسه منه سهل علي حسب ما شفت في دروس حضرتك و هيتكلف اكتر لان كم الشمع فيه كتيير
و عجبتني اوي فكرة الشمع اللي في البرطمانات بتاعت الاكل دي و هحاول اجربها بس اعتقد ان فيها مواد كيماوية او مواد من عند العطار هابقي اشوف بكام و ينفع اعملها ام لا
عموما عشان ماطولش علي حضرتك اكتر من كده بس قوللي فين الماكن اللي اقدر اتعلم فيه عملي و يكون في القاهرة طبعا او الجيزة اوكيه مش هتفرق
و جزاك الله خيراً كثيراً علي إفادتنا
و السلام عليكم

لقد أضفت ايميلك يا استاذ احمد و لكن الاي الان يظهر عندي مختفي و معني ذلك انك لم تقبل اضافتي بعد[size=12][/size]

تفائلك جميل أوى يارب يارب تفضلى كده دايما ربنا يوفقك يارب

السلام عليكم يا استاذ احمد
انا ماعندي مشكلة في المكان فسأقوم بالعمل في البدء من منزلي لكن انا منتظرة الدورة التدريبية التي ابلغتوني بها رغم اني علمت انها اخر 6 مشعارفة هاقدر اصبر المدة دي كلها و لا اعلم اي مكان او حضرتك لم تخبرني بمعلومات عن اي فتاة اواي شخص ألجأ إليه لمعرفة المبادئ حتي بس او حاجات بسيطة ابتدي اتمرن علي اساسها.
عموما انا في انتظار ردكم و كده كده مش هابدأ شغل غير في شهر 5 بإذن الله.
بس ياريت تخبرني بتفاصيل الدورة التدريبية دي و مواعيدها عشان اقدر احدد هينفع اروحها ام لا عشان مواعيد شغلي
و جزاكم الله خيرا ز

إلي الاخت زمزم
شكرا يا اخت زمزم و علي فكرة شغلك هو اللي شجعني و حمسني جدا اني اشترك معاكوا اصلا انتي و باقي الزملاء اللي شغلهم معروض معاكي و ربنا يوفقك انتي كمان بس هو انتي مش متفائلة زيي و الا ايه متهيألي انتي شغلك ده المفروض يكون ابتدا يدخل معارض كتيير الان معارض خاصة بيكي و معارض خاصة بالجروب و ممكن يكون قرب يوصل للخارج فعلا ده ان مكانش وصل ...

جزاكى الله خيرا